రియాద్: విమాన ప్రయాణికుల వస్తువులు లేదా విమానాల ఆస్తులను ఎవరూ దొంగిలించరాదని సౌదీ అరేబియా పబ్లిక్ ప్రాసిక్యూషన్ హెచ్చరించింది. సౌదీ అరేబియాలోని పౌర విమానయాన చట్టంలోని ఆర్టికల్ 154 ప్రకారం.. ఎవరైనా విమానంలోని ఆస్తిని లేదా విమానంలో ప్రయాణించే ప్రయాణికుల వస్తువులను దొంగిలించడానికి ప్రయత్నించినట్లయితే వారిని నేరస్థులుగా భావించి అరెస్టు చేస్తారని పబ్లిక్ ప్రాసిక్యూషన్ తెలిపింది. పౌర విమానయాన చట్టంలోని ఆర్టికల్ 167 ప్రకారం, ఆర్టికల్ 154 ప్రకారం.. చట్టవిరుద్ధమైన చర్యకు ప్రయత్నించే ఏ వ్యక్తికి అయినా ఐదు సంవత్సరాలకు మించని జైలు శిక్ష, SR500,000 మించని జరిమానా లేదా రెండు కలిపి విధించే అవకాశం ఉందని పబ్లిక్ ప్రాసిక్యూషన్ హెచ్చరించింది.