అబుదాబి: అబుదాబిలోని రీమ్ ద్వీపంలో ఒక అరేబియా ఎర్ర నక్క కనిపించింది. మెరీనా బే సమీపంలో దీన్ని పలువురు చూశారు. దీనికి సంబంధించిన వీడియోలు ఆన్‌లైన్‌లో చక్కర్లు కొడుతున్నాయి. పర్యావరణ ఏజెన్సీ అబుదాబి ప్రతినిధి మాట్లాడుతూ.. అరేబియన్ రెడ్ ఫాక్స్ లు పట్టణంలో విరివిగా కన్పిస్తున్నాయన్నారు. నగరంలోని పెద్ద డస్ట్ బిన్‌ల దగ్గర వృధా ఆహార పదార్థాలను అరేబియన్ రెడ్ ఫాక్స్ తినడం తరచుగా చూడవచ్చన్నారు. ప్రజలు వాటి దూరంగా ఉండాలని, ఆహారం ఇచ్చేందుకు దగ్గరకు పోవద్దని సూచించారు. సాధారణంగా అరేబియన్ రెడ్ ఫాక్స్ మనుషులకు దూరంగా ఉంటాయని, కానీ కొన్ని సందర్భాల్లో అవి మనుషులకు దగ్గరగా వస్తాయని, అవి పైపైకి వచ్చినప్పుడు భయంతో పరుగులు తీయొద్దని సూచించారు.