జుమైరా బీచ్‌ రెసిడెన్స్‌కి దగ్గరలో ఉన్న బీచ్‌లో ఇకపై షవర్‌ బాత్‌కి 5 దిర్హామ్‌లు చెల్లించాల్సి ఉంటుంది. 90 సెకెన్లకుగాను 5 దిర్హామ్‌ల రుసుమును నిర్ణయించారు. అయితే దీన్ని ప్రతి ఒక్కరూ వ్యతిరేకిస్తున్నారు. పబ్లిక్‌ బీచ్‌లో, షవర్‌ బాత్‌కి ఛార్జీలు వసూలు చేయడం మంచిది కాదని సిండీ అనే మహిళ చెప్పారు. ఫెయిత్‌ అనే మహిళ కూడా, ఈ నిర్ణయాన్ని వ్యతిరేకించారు. అయితే, బీచ్‌ నిర్వాహకులు మాత్రం, నీటి వృధాని అరికట్టేందుకే ఈ నిర్ణయం తీసుకున్నామనీ, బీచ్‌కి వచ్చేవారిలో అవగాహన పెంచడం, అలాగే బాధ్యతగా వారు వ్యవహరించేలా చేయడానికే నామినల్‌ చార్జ్‌ చేస్తున్నామని చెప్పారు. దుబాయ్‌కి చెందిన వెరోనికా పినెడా మాట్లాడుతూ, ఫీజు చాలా ఎక్కువ ఏమీ కాదని, అన్నీ ఉచితంగా కావాలని కోరుకోవడం సబబు కాదని అన్నారు. ఎక్కువ మొత్తం కాకపోయినప్పటికీ బీచ్‌ షవర్‌ అనేది ఉచితంగా ఉండటమే మేలని బెతనీ డెవన్‌ చెప్పారు.