‘చిన్నారి పెళ్లి కూతురు’ సీరియల్‌తో చైల్డ్ ఆర్టిస్టుగా బుల్లితెర ప్రేక్షకుల్ని మెప్పించిన అవికా గోర్, హీరోయిన్‌గా ‘ఉయ్యాలా జంపాలా’ సినిమాతో పెద్ద తెరకు పరిచయమైంది. తొలి సినిమాతోనే మంచి హిట్టు కొట్టింది. ఆ తర్వాత బ్యాక్ టు బ్యాక్ అదే హీరోతో అదేనండీ.. రాజ్‌తరుణ్‌తోనే రెండు మూడు సినిమాల్లో నటించింది ఈ ముద్దుగుమ్మ.

అదే కారణం కావచ్చు.. రాజ్ తరుణ్‌తో అవికా గోర్‌కి అఫైర్లు కూడా అంటగట్టేసింది ఈ పాడు సమాజం. అయితే, ఆ అఫైర్‌ని ఈ జంట తిప్పి కొట్టిందనుకోండి. రాజ్ తరుణ్ తనకు జస్ట్ బెస్ట్ ఫ్రెండ్ మాత్రమే అని అవికా చాలా సార్లు చెప్పింది.

అయితే, అవికా గోర్ బాలీవుడ్‌లోనూ సుపరిచితురాలే. అక్కడి బుల్లితెర సీరియల్స్‌తో పాటు చిన్నా, చితకా సినిమాల్లోనూ నటించింది. కాగా, బాలీవుడ్ నటుడు మిళింద్‌తో అవికా గోర్ ప్రేమలో వుందంటూ గత కొంత కాలంగా ప్రచారం జరుగుతోంది.

మిళింద్‌తో పీకల్లోతు ప్రేమతో పాటు, అవికా గోర్, ఆల్రెడీ డేటింగ్‌లోనూ వున్నట్లు తెలుస్తోంది.తాజాగా ఓ ఇంటర్వ్యూలో మిళింద్‌తో ప్రేమ విషయాన్ని అయితే, కన్‌ఫామ్ చేసేసింది అవికా గోర్. కానీ, పెళ్లి విషయం బయట పెట్టలేదు. 

మిళింద్ తనకు చాలా ప్రత్యేకమైన వ్యక్తి.. తన కెరీర్ వృద్ధి చెందడానికి మిళింద్ సహాయ సహకారాలు తనకు ఎప్పుడూ తోడున్నాయంటూ, తన లవర్ గురించి చెప్పుకొచ్చింది అవికా గోర్. సో జరుగుతోన్న ప్రచారాన్ని నిజం చేస్తూ, అవికా గోర్ మిళింద్‌ని వివాహం చేసుకున్నా ఆశ్చర్యపోనక్కర్లేదు. ఇప్పటికయితే జర వెయిట్ చేయాలంతే.!