దోహా: జూలై 17న ఖతార్‌లో గత 24 గంటల్లో 1,217 కోవిడ్-19 కేసులు నమోదయ్యాయని ప్రజారోగ్య మంత్రిత్వ శాఖ (MoPH) తెలిపింది. మొత్తం కేసుల్లో 1,017 మంది కమ్యూనిటీకి చెందినవారు కాగా.. 200 మంది ప్రయాణికులు ఉన్నారు. దేశంలో మొత్తం యాక్టివ్ కేసుల సంఖ్య 6,869. తాజాగా ఎటువంటి మరణాలు నమోదు కాలేదు. గత 24 గంటల్లో 591 మంది రోగులు కోవిడ్ -19 నుండి కోలుకున్నారు. గత 24 గంటల్లో ఇద్దరు రోగులు ICUలో చేరడంతో మొత్తం ఐసీయూలో చికిత్స పొందుతున్న వారి సంఖ్య 6కి చేరుకుంది. ఇప్పటి వరకు మొత్తం 7,278,429 కోవిడ్-19 వ్యాక్సిన్ డోస్‌లను అందజేసినట్లు మంత్రిత్వ శాఖ పేర్కొంది.