పూరీ జగన్నాధ్ సినిమాలంటే, రగ్గ్‌డ్ లుక్స్‌లో హీరో, గ్లామరస్ లుక్స్ హీరోయిన్.. ఆటిట్యూడ్ కూడా చూపించాలనుకోండి. ఇవీ పూరీ మార్కు హీరో, హీరోయిన్ లెక్కలు. 
తాజాగా పూరీ జగన్నాధ్ తెరకెక్కించిన ‘లైగర్’ మూవీ రిలీజ్‌కి సిద్ధమైన సంగతి తెలిసిందే. ఆగస్ట్ 25న ఈ సినిమా ప్రేక్షకుల ముందుకు రానుంది. ముంబయ్ మాఫియా బ్యాక్ డ్రాప్‌లో ఈ సినిమా రూపొందింది.

విజయ్ దేవరకొండ ఈ సినిమాలో చాయ్ వాలాగా కనిపించబోతున్నాడు. అలాగే, బాక్సింగ్ నేపథ్యాన్నీ ఈ సినిమాలో కీలకంగా చూపించబోతున్నాడు. బాలీవుడ్ ముద్దుగుమ్మ అనన్యా పాండే హీరోయిన్‌గా నటిస్తుండగా, రమ్యకృష్ణ ఇంపార్టెంట్ రోల్ రోషిస్తోంది. 
రిలీజ్‌కి నెల రోజులు ముందే సినిమా ప్రమోషన్లు షురూ చేశారు. విజయ్ నటిస్తున్న తొలి ప్యాన్ ఇండియా మూవీ కావడంతో ఈ సినిమాని భారీగా ప్రమోట్ చేస్తున్నారు. అందులో భాగంగానే మొన్న రిలీజైన ‘అకిడి.. పకిడి..’ సాంగ్ సూపర్ హిట్ అయ్యింది.

తాజాగా ఇంకో రొమాంటిక్ సాంగ్‌ వీడియో వదిలారు. ఈ సాంగ్‌కి మంచి రెస్పాన్స్ వస్తోంది. పూరీ మార్కు రొమాన్స్ అంతా ఈ పాటలో కనిపిస్తూనే, హీరో, హీరోయిన్లు వేసే డాన్సింగ్ స్టెప్పులు సింప్లీ సూపర్బ్ అనిపిస్తున్నాయ్. మణిశర్మ మ్యూజిక్ అందించిన ఈ సినిమాని, కరణ్ జోహార్‌తో కలిసి, పూరీ ఛార్మిలు నిర్మించిన సంగతి తెలిసిందే.