విక్టరీ వెంకటేష్ అప్పుడు అలా, ఇప్పుడేమో ఇలా.!
- August 09, 2022‘గోపాలా గోపాలా’ సినిమాలో విక్టరీ వెంకటేష్ దేవుడంటే అస్సలు ఇష్టం లేని పాత్ర (నాస్థికుడు)లో కనిపించి ఫ్యాన్స్ మన్ననలు పొందారు. ఆ సినిమాలో ట్రెండీ గాడ్గా కనిపించి పవన్ కల్యాణ్ మెప్పించారు.
కాగా, ఇప్పుడు అదే తరహా పాత్రలో నటించే అవకాశం వెంకటేష్కి దక్కిందట. అదేనండీ, దేవుడి పాత్రలో. పాత్ర లెంగ్త్ చిన్నదే కానీ, సినిమాకి చాలా కీలకమట. ఆ పాత్ర కోసం వెంకటేష్ అయితే బాగుంటుందని భావించి ఆయననే ఈ పాత్ర కోసం ఎంగేజ్ చేశారట.
ఇంతకీ ఏ సినిమా కోసం అంటారా.? ‘ఫలక్నుమా దాస్’ , ‘హిట్’ తదితర సినిమాలతో హీరోగా స్పెషల్ గుర్తింపు దక్కించుకుని, ఇటీవల ‘అశోక వనంలో అర్జున కళ్యాణం’ సినిమాకి ప్రమోషన్ల పేరు చెప్పి వివాదాల్లో సెన్సేషనల్ అయిన విశ్వక్ సేన్ హీరోగా రూపొందుతోన్న సినిమా కోసం.
ఓ సూపర్ హిట్ తమిళ రీమేక్ (ఓ మై కడలిలే)లో విశ్వక్ సేన్ నటిస్తున్నాడు. తెలుగులో ఈ సినిమాని ‘ఓరి దేవుడా’ టైటిల్తో రిలీజ్ చేస్తున్నారు. ఒరిజినల్ డైరెక్టర్ అశ్వత్ మరముత్తునే ఈ సినిమాని తెలుగులోనూ రూపొందిస్తున్నారు. ఒరిజినల్లో విజయ్ సేతుపతి పోషించిన దేవుడి పాత్ర కోసం తెలుగులో వెంకీని ఒప్పించారట.
వెంకటేష్ కూడా ఈ పాత్రను చేయడానికి ఇంట్రెస్ట్ చూపించడంతో, డీల్ సెట్ అయిపోయింది. త్వరలోనే వెంకీ తన పార్ట్ షూటింగ్ పూర్తి చేయనున్నారట. వెంకీ ఎంట్రీతో విశ్వక్ సినిమాకి స్టార్డమ్ యాడ్ అయిపోయింది. చూడాలి మరి, ‘ఓరి దేవుడా’ సినిమాతో విశ్వక్ ఎలాంటి కొత్త సెన్సేషన్కి తెర లేపనున్నాడో.!
తాజా వార్తలు
- ఇజ్రాయెల్, ఇరాన్ వెళ్లే భారతీయులకు విదేశాంగ సూచన
- టోఫెల్ ఇండియా ఛాంపియన్షిప్ను ప్రారంభించిన ఈటిఎస్
- వాట్సప్ లో కొత్త ఫీచర్..
- 7న ప్రత్యక్షంగా కోర్టులో ఎమ్మెల్సీ కవిత ని హాజరుపరచండి
- శంషాబాద్ సమీపంలో 34 కేజీల బంగారం స్వాధీనం
- ఆడబిడ్డకు జన్మనిచ్చిన దుబాయ్ రాయల్ షేఖా మహరా
- 17 ఏళ్ల బాలుడు మిస్సింగ్ కేసు విషాదాంతం
- 123 మంది కార్మికుల పై బహిష్కరణ వేటు
- భారత ప్రవాసుల కోసం 'ఓపెన్ హౌస్'
- స్విఫ్ట్ స్టూడెంట్ ఛాలెంజ్.. 'మై చైల్డ్' యాప్ కు ప్రశంసలు