సూపర్ స్టార్ మహేష్ బాబు బర్త్‌డే సందర్భంగా, ఆయనకు సోషల్ మీడియా వేదికగా బర్త్‌డే విషెస్ పోటెత్తుతున్నాయ్. ఈ నేపథ్యంలో ‘చిన్నారుల గుండె చప్పుడు మహేష్ బాబుకి బర్త్ డే విషెస్.. ’ అంటూ మెగాస్టార్ చిరంజీవి చెప్పిన విషెస్ నెట్టింట స్పెషల్‌గా వైరల్ అవుతున్నాయ్.
కాగా, గత కొన్ని రోజులుగా మహేష్ బాబు పుట్టినరోజు సెలబ్రేషన్స్ పేరు చెప్పి ఆయన కెరీర్ బెస్ట్ మూవీస్‌ని తెలుగు రాష్ర్టాల్లో రీ రిలీజ్ చేస్తూ ఫ్యాన్స్ సందడి చేస్తున్న సంగతి తెలిసిందే.
ఆ క్రమంలోనే ఈ రోజు, ‘పోకిరి’ సినిమాని హైద్రాబాద్ ఐమాక్స్ ధియేటర్‌లో ప్రదర్శించారు. ‘పోకిరి 4కె వెర్షన్’ పేరుతో ఈ సినిమాని స్పెషల్ షోగా ప్రదర్శిస్తున్నారు. తెలుగు రాష్ర్టాలు రెండింటిలోనూ, మొత్తం 53 ధియేటర్లలో దాదాపు 100కి పైగా సెంటర్లలో ఈ స్పెషల్ షో ప్రదర్శించబడుతోంది.
అలాగే, హైద్రాబాద్ ఐమాక్స్ ధియేటర్‌లో మహేష్ బాబు ‘ఒక్కడు’ సినిమాని సైతం ప్రదర్శించారు. ఈ స్పెషల్ షోకి దర్శకుడు గుణశేఖర్ ఆయన కుటుంబ సభ్యులతో కలిసి ఈ సినిమాని మళ్లీ వీక్షించారు. అలాగే, హీరోయిన్ భూమిక కూడా తన కుటుంబ సభ్యులతో కలిసి ‘ఒక్కడు’ స్పెషల్ షోని పెద్ద తెరపై చూసి తన సంతోషాన్ని ఫ్యాన్స్‌తో పంచుకున్నారు.