బుల్లితెర మెగా గేమ్ షో ‘బిగ్‌బాస్’ ఆరో సీజన్‌కి ముస్తాబవుతోంది. బిగ్‌బాస్ నాన్ స్టాప్ పేరుతో ఓటీటీలో ప్రసారమైన బిగ్‌బాస్ అంతగా ఆదరణ దక్కించుకోకపోయినా, బుల్లితెరపై బిగ్‌బాస్ షోకి వున్న కిక్కే వేరప్పా.

వివాదాలు చుట్టుముట్టినా, ఎవరెన్ని అభ్యంతరాలు చెప్పినా ఈ షోని ఆపడం మాత్రం ఎవ్వరి వల్లా కాదు. అదీ బిగ్‌బాస్ షోకి వున్న క్రేజ్. ఓ రకంగా చెప్పాలంటే, బుల్లితెర ప్రేక్షకులకు ‘బిగ్‌బాస్’ షో ఒక టానిక్, ఒక అడిక్ట్‌లాంటిది.. అనొచ్చేమో.
ఆ అంచనాలకు ఏమాత్రం తగ్గకుండా, ఆరో సీజన్ బిగ్‌బాస్‌ని అంతకు మించి ఎంటర్‌టై‌న్‌మెంట్.. అనేలా డిజైన్ చేయబోతున్నారట. ఈ సారి హౌస్‌లో సందడి చేయబోయే సెలబ్రిటీస్ వీళ్లే అంటూ, ఈ నేపథ్యంలో హడావిడి కూడా ఆల్రెడీ నెట్టింట మొదలైపోయింది. 
గత సీజన్‌లో ట్రాన్స్‌జెండర్ తమన్నా షో అట్టర్ ఫ్లాప్ అయిన సంగతి తెలిసిందే. అయితే, ఐదో సీజన్ బిగ్ బాస్‌లో పింకీ అలియాస్ ప్రియాంక ట్రాన్స్ జెండర్‌గా సక్సెస్ అయ్యింది. ఈ సారి ఆ పాత్రను తన్మయి‌తో రీప్లేస్ చేయబోతున్నారట. 

అలాగే, గత సీజన్‌లో పాపులర్ అయిన సిరి హన్మంత్ ప్రియుడు శ్రీహాన్ ఈ సారి బిగ్‌బాస్ హౌస్‌లో సందడి చేయబోతున్నాడట. అలాగే ఓ సామాన్యుడికీ ఈ సారి హౌస్‌లో ప్లేస్ వుందంటూ ప్రచారం జరుగుతోంది. చూడాలి మరి, ఈ సారి బిగ్‌బాస్ షోకి ఎంత గ్లామర్ అద్దబోతున్నారో.!