క్రియేటివ్ డైరెక్టర్ శంకర్ దర్శకత్వంలో తెరకెక్కుతోన్న సినిమా ‘ఇండియన్ 2’. కమల్ హాసన్ ఈ సినిమాలో లీడ్ రోల్ పోషిస్తున్న సంగతి తెలిసిందే. అప్పుడెప్పుడో వచ్చిన ‘ఇండియన్’ (తెలుగులో ‘భారతీయుడు’) సినిమాకి సీక్వెల్‌గా రూపొందుతోన్న సినిమా ఇది.
అప్పట్లో ‘భారతీయుడు’ సినిమా సంచలన విజయాలు నమోదు చేసింది. ఇప్పుడు ‘విక్రమ్’ సినిమాతో మరోసారి సంచలనాలకు తెర లేపారు కమల్ హాసన్. ఈ వేవ్ ఇలా వున్న టైమ్‌లోనే ‘ఇండియన్ 2’ని పూర్తి చేసేస్తే బాగుంటుందని శంకర్ భావిస్తున్నాడట.
ఆల్రెడీ కొంతమేర షూటింగ్ జరుపుకున్న ఈ సినిమా రకరకాల వివాదాల కారణంగా మధ్యలోనే ఆగిపోయింది. ఆ తర్వాత శంకర్, మెగా పవర్ స్టార్ రామ్ చరణ్‌తో సినిమా మొదలెట్టేశారు. 
తాజాగా ‘ఇండియన్ 2’ సినిమా ఈ నెల 24 నుంచి మళ్లీ స్టార్ట్ అవుతోందంటూ అధికారికంగా ప్రకటించారు. ‘ఇండియన్ 2’ స్టార్ట్ అయితే, మరి, రామ్ చరణ్ సినిమా సంగతేంటీ.? అనే అనుమానం వ్యక్తం చేస్తున్నారు మెగా అభిమానులు. ఈ అనుమానాలపై రామ్ చరణ్ కానీ, శంకర్ కానీ క్లారిటీ ఇవ్వాల్సిన అవసరం వుంది.