మస్కట్: ఇబ్రాలోని విలాయత్‌లో విషాదం చోటు చేసుకుంది. అక్కడి లోయలో మునిగి ఓ పౌరుడు దుర్మరణం పాలయ్యాడు. స్థానికులు, రెస్క్యూ బృందాలు పౌరుడి మృతదేహాన్ని వెలికితీసి ఆసుపత్రికి తరలించారని సివిల్ డిఫెన్స్, అంబులెన్స్ అథారిటీ(CDAA) తెలిపింది. సీడీఏఏ తెలిపిన వివరాల ప్రకారం.. నార్త్ అల్-షర్కియా గవర్నరేట్‌లోని ఇబ్రాలోని విలాయత్‌లోని లోయలో ఓ పౌరుడు మునిగినట్లు సమాచారం అందింది. వెంటనే సివిల్ డిఫెన్స్, అంబులెన్స్ డిపార్ట్‌మెంట్‌లోని రెస్క్యూ బృందాలు స్పందించాయి. సంఘటన స్థలానికి చేరుకొని స్థానికుల సాయంతో పౌరుడిని బయటకు తీసి ఆసుపత్రికి తరలించారు. కానీ అప్పటికే అతను చనిపోయినట్లు డాక్టర్లు ప్రకటించారని సీడీఏఏ వెల్లడించింది.