మస్కట్: సేవల్లో నిర్లక్ష్యంగా వ్యవహరించిన డ్రైవింగ్ స్కూల్ మేనేజ్ మెంట్ కు సుహార్‌లోని ఫస్ట్ ఇన్‌స్టాన్స్ కోర్ట్ రెండు నెలల జైలు శిక్ష, RO100 జరిమానా విధించింది. డ్రైవింగ్ స్కూల్ క్లయింట్‌లలో ఒకరు సోహార్‌లోని డైరెక్టరేట్ జనరల్ ఆఫ్ కన్స్యూమర్ ప్రొటెక్షన్ అథారిటీకి ఫిర్యాదు చేశారు. కోర్టు ఫైల్స్ ప్రకారం.. క్లయింట్ డ్రైవింగ్ నేర్పేందుకు ట్రైనర్ ను నియమించారు. కానీ అతడు మధ్యలోనే మరణించారు. అయినా మరో ట్రైనర్ ను డ్రైవింగ్ స్కూల్ మేనేజ్ మెంట్ ఏర్పాటు చేయలేదు. పైగా క్లయింట్ కట్టిన ఫీ ని కూడా తిరిగిఇచ్చేందుకు నిరాకరించింది. దీంతో రాయల్ డిక్రీ నంబర్ 66/2014 ద్వారా జారీ చేయబడిన వినియోగదారుల రక్షణ చట్టంలోని నిబంధనలను డ్రైవింగ్ స్కూల్ ఉల్లంఘించినట్లు క్లయింట్ ఫిర్యాదు చేశారు. ఈ కేసును విచారించిన కోర్టు డ్రైవింగ్ స్కూల్ మేనేజ్ మెంట్ పై చర్యలు తీసుకున్నది.