బహ్రెయిన్: స్కామింగ్, మనీలాండరింగ్ కు పాల్పడిన ఒక ఆసియా మహిళకు హై క్రిమినల్ కోర్ట్ నాలుగు సంవత్సరాల జైలు శిక్ష,  46,000 బిడిలు జరిమానా విధించింది. ఈ కేసులో నేరంలో పాల్గొన్నందుకు సాక్ష్యాలు లేకపోవడంతో ఒక ఆసియా వ్యక్తిని నిర్దోషిగా ప్రకటించి విడుదల చేసింది. పోలీసు రికార్డుల ప్రకారం.. నకిలీ బ్యాంక్ కాల్స్, మోసపూరిత గేమ్స్ ద్వారా అనేక మంది బాధితులను విదేశాల్లో గుర్తుతెలియని వ్యక్తితో కలిసి బాధిత మహిళ మోసం చేసింది. జనరల్ డైరెక్టరేట్ ఆఫ్ యాంటీ కరప్షన్ అండ్ ఎకనామిక్ & ఎలక్ట్రానిక్ సెక్యూరిటీకి బాధితుల నుండి అనేక ఫిర్యాదులు అందడంతో ఆమె వ్యవహరం వెలుగులోకి వచ్చింది. బాధితుల ఖాతాల నుంచి స్వాహా చేసిన డబ్బును ఆఫ్‌షోర్ ఖాతాలకు పంపకముందే ఆమె ఖాతాకు బదిలీ అయినట్లు అధికారులు గుర్తించారు. అనుమానాస్పద లావాదేవీలు జరపడం ద్వారా మహిళ తనకు వచ్చిన డబ్బులో కొంత భాగాన్ని లాండరింగ్ చేసినట్లు దర్యాప్తులో తేలింది. మహిళ వీసా కార్డును కూడా ఉపయోగించినట్లు పోలీసు అధికారులు గుర్తించారు. శిక్ష అనుభవించిన తర్వాత నిందితురాలిని దేశం నుంచి శాశ్వతంగా బహిష్కరించనున్నారు.