అబుధాబి: ద్విచక్ర వాహనాలను ఇష్టపడే వారందరికి విచారకరమైన వార్త.సైకిళ్లు, ఎలక్ట్రిక్ బైక్‌ల మీద ప్రభుత్వం తీసుకున్న నిబంధనలను ఉల్లంఘించిన వారికి జరిమానా విధించబడుతుంది.

అబుధాబిలో వ్యక్తిగత ఉపయోగం కోసం సైకిళ్లు మరియు ఎలక్ట్రిక్ బైక్‌లకు సంబంధించి నిబంధనలను ఉల్లంఘించినందుకు జరిమానాలను అబుధాబి పోలీసుల సహకారంతో, మునిసిపాలిటీలు మరియు రవాణా శాఖ (DMT) యొక్క ఇంటిగ్రేటెడ్ ట్రాన్స్‌పోర్ట్ సెంటర్ (ITC) అమలు చేయడం ప్రారంభించింది.

సైకిల్ మరియు ఎలక్ట్రిక్ బైక్‌లు బస్ స్టేషన్‌లు, షాపింగ్ మాల్స్, సర్వీసులు మరియు నివాస ప్రాంతాలను అనుసంధానించే "ఫస్ట్ అండ్ లాస్ట్ మైల్" సర్వీస్‌లలో ఇది ఒకటని మరియు కమ్యూనిటీ సభ్యులు తమ జేబులకు చిల్లు పడకుండా త్వరగా తమ గమ్యస్థానాలకు చేరుకోవడానికి వీలు కల్పిస్తుందని కేంద్రం పేర్కొంది. 

లైను దాటి బయటకు వచ్చే వారికి జరిమానాలు విధిస్తారు. నిషేధించబడిన రోడ్లు మరియు ప్రాంతాలలో సైకిల్ తొక్కడానికి సంబంధించిన భద్రతా ఆదేశాలు మరియు నిబంధనలు లేదా ఉల్లంఘనలకు పాల్పడినందుకు Dhs200 మరియు Dhs500 మధ్య జరిమానాలు ఉంటాయి.

సురక్షితమైన సమాజాన్ని నిర్ధారించడానికి, నివాసితులను వీలైనంత సురక్షితంగా ఉంచాలనే  ఆలోచనతోనే జరిమానా విధించినట్లు అధికారులు తెలిపారు.