యూఏఈ: పోగొట్టుకున్న వస్తువులను ఇంటివద్దనే అందజేసేందుకు షార్జా పోలీసులు కొత్త సర్వీసును ప్రారంభించారు. దీని ద్వారా పోగొట్టుకున్న, దొరికిన వస్తువులు ఇప్పుడు మీ ఇంటి వద్దకే పోలీసులు తీసుకొచ్చి అందజేయనున్నారు. షార్జా పోలీస్‌లోని సమగ్ర పోలీస్ స్టేషన్ల విభాగం డైరెక్టర్ కల్నల్ యూసఫ్ బిన్ హర్మౌల్ మాట్లాడుతూ.. కొత్త సర్వీసుకు సంబంధించి మొదటి దశ అమలు విజయవంతంగా సాగుతుందన్నారు. ఇప్పటివరకు 97 శాతం సక్సెస్ రేటును సాధించిందన్నారు. ఒసోల్ స్మార్ట్ అప్లికేషన్స్ కంపెనీ (బురాక్) సహకారంతో కొత్త సర్వీసును గత జూన్‌లో ప్రారంభించినట్లు ఆయన తెలిపారు. షార్జా పోలీసులు తమ లక్ష్యాలను సాధించడానికి, సమాజంలోని సభ్యుల జీవన నాణ్యతను పెంపొందించడానికి తమ ప్రయత్నాలను తీవ్రతరం చేసేందుకు ఆసక్తిగా ఉన్నట్లు ఆయన తెలిపారు.