మస్కట్: గ్రేటర్ మస్కట్ నిర్మాణ ప్రణాళిక 2023 మొదటి త్రైమాసికంలో పూర్తవ్వనుంది.  మాస్టర్ ప్లాన్‌పై చర్చించేందుకు గ్రాండ్ మిలీనియంలో జరిగిన వర్క్‌షాప్‌లో ఈ మేరకు అధికారులు స్పష్టం చేశారు. డేటా సేకరణ, విశ్లేషణపై దృష్టి సారించిన మొదటి, రెండో దశల్లో కొంత పురోగతి సాధించామని అధికారులు పేర్కొన్నారు. మూడవ దశలో భాగంగా నిర్మాణ ప్రణాళికపై దృష్టి సారించినట్లు వారు వివరించారు. గ్రేటర్ మస్కట్‌లో ప్రస్తుత ప్రణాళికా స్థితి, పట్టణాభివృద్ధికి ఎదురవుతున్న సవాళ్లు, అత్యున్నత ప్రమాణాలతో కూడిన మాస్టర్‌ప్లాన్ సహాయంతో ఉపయోగించుకోగల అభివృద్ధి అవకాశాలపై ఈ సెమినార్ వక్తలు చర్చించారు.