సౌదీ: ఇటీవల సోషల్ మీడియాలో వైరల్ అయిన ఆరోపణపై నైరోబీలోని సౌదీ అరేబియా రాయబార కార్యాలయం వివరణ ఇచ్చింది. సౌదీలో కెన్యా మహిళ  చేసిన ఆరోపణలను ఖండించింది. ఆమెకు సంబంధించిన మొత్తం వ్యవహారం సౌదీలో కెన్యా రాయబార కార్యాలయానికి తెలుసని వెల్లడించింది. మహిళ ఆరోపణల్లో నిజం లేదని, ఆమె ఆరోగ్య పరిస్థితి గురించి కెన్యా రాయబార కార్యాలయ అధికారులకు తెలుసని పేర్కొంది. సౌదీ అరేబియాలో నివసించే నివాసితుల అన్ని హక్కులను పరిరక్షించేందుకు సౌదీ అధిక ప్రాధాన్యం ఇస్తుందన్నారు. జాతీయులందరి గౌరవానికి భంగం కలిగించే చర్యల పట్ల సౌదీలో కఠినమైన చట్టాలు అమల్లో ఉన్నాయన్నారు.