కువైట్ సిటీ: కువైట్ ఎయిర్‌పోర్ట్‌లో ఓ ప్రయాణికుడు తన షూ సాక్స్‌లో దాచి దేశంలోకి అక్రమంగా తరలిస్తున్న విలువైన వాచ్‌లను కస్టమ్స్ అధికారుల గుర్తించి స్వాధీనం చేసుకున్నారు. ప్రయాణికుడిపై అనుమానం రావడంతో అతన్ని తనిఖీ చేయగా.. విలువైన విదేశీ వాచ్ లు స్మగ్లింగ్ చేస్తున్నట్లు గుర్తించామన్నారు. వాచ్ లకు సంబంధించిన ఎటువంటి వివరాలను సదరు ప్రయాణికుడు చెప్పలేకపోయాడని, వాచ్ లకు సంబంధించి బిల్లులు కూడా అతని వద్ద లేవని కస్టమ్స్ అధికారులు తెలిపారు. విలువైన గడియారాలను ప్రయాణికుడు తన షూ సాక్స్ లో దాచిపెట్టి తరలిస్తున్నట్లు తనిఖీల్లో గుర్తించామన్నారు. విదేశీ వాచ్ లకు కస్టమ్స్ సుంకాలను ఎగవేసేందుకు ప్రయాణికుడు ప్రయత్నించాడని కస్టమ్స్ అధికారులు పేర్కొన్నారు.