బహ్రెయిన్: సౌదీ అరేబియా నేషనల్ ఈ నెల 23 న జరగనుంది. ఇందుకోసం సౌదీ ఘనంగా ఏర్పాట్లు కూడా చేసింది.ఐతే సౌదీ నేషనల్ డే ను పురస్కరించుకొని బహ్రెయిన్ టూరిజం డిపార్ట్ మెంట్ పలు ప్రత్యేక ఈవెంట్లను ఏర్పాటు చేయటం విశేషం. సౌదీ పర్యాటకులను ఆకర్షించేందుకు బహ్రెయిన్ టూరిజం అండ్ ఎగ్జిబిషన్స్ అథారిటీ (BTEA) ప్రత్యేక ఈవెంట్లను సిద్ధం చేసింది.పలు హోటళ్ల భాగస్వామ్యంతో ప్రత్యేక కార్యక్రమాల కోసం ప్యాకేజీలను ప్రకటించింది.బహ్రెయిన్ లోని షాపింగ్ మాల్స్, బీచ్‌లు  సహా ముఖ్యమైన పర్యాటక ప్రాంతాల్లో ఈవెంట్‌లు నిర్వహిస్తారు. బాబ్ అల్-బహ్రెయిన్, అల్ లివాన్ కాంప్లెక్స్, సిటీ సెంటర్ బహ్రెయిన్, ది ఎవెన్యూస్ బహ్రెయిన్, దిల్మునియా మాల్, మనామాలోని సీఫ్ మాల్ మరియు ముహర్రాక్, డిస్ట్రిక్ట్ 1, వాటర్ గార్డెన్ సిటీ, బిలాజ్‌ లో ప్రత్యేక కార్యక్రమాలు నిర్వహించనున్నారు. ఈ ప్యాకేజీలను ఇప్పటికే బహ్రెయిన్ టూరిజం డిపార్ట్ మెంట్ విస్తృతంగా ప్రచారం చేస్తోంది.