రియాద్: సౌదీలో భారీ డ్రగ్స్ ముఠాను భద్రతా అధికారులు అదుపులోకి తీసుకున్నారు. 48.6 టన్నులకు పైగా ఖాట్, 1.5 టన్నుల హాషిష్, 634,000 యాంఫెటమైన్ మాత్రలను అక్రమంగా రాజ్యంలోకి తీసుకురావడానికి చేసిన ప్రయత్నాన్ని భద్రతాధికారులు అడ్డుకున్నారు. ఈ ఆపరేషన్‌లో 19 మంది పౌరులతో సహా 146 మంది స్మగ్లర్లను సౌదీ భద్రతా అధికారులు అరెస్టు చేశారు. అనుమానితుల్లో 87 మంది యెమెన్ పౌరులు, 32 మంది ఇథియోపియన్లు, ముగ్గురు సోమాలి జాతీయులు, ఇద్దరు ఇరాకీలు, ఇద్దరు ఈజిప్షియన్లు, ఒక పాకిస్థానీ ఉన్నారని అధికారులు తెలిపారు. నజ్రాన్, జజాన్, అసిర్, తబుక్ ప్రాంతాల భద్రతా సరిహద్దుల గార్డులు నిర్వహించిన ఈ ఆపరేషన్ వీడియోను సౌదీ అంతర్గత వ్యవహారాల మంత్రిత్వ శాఖ తన ట్విట్టర్ అకౌంట్లో పోస్ట్ చేసింది.