మస్కట్: మస్కట్ ఎయిర్ పోర్ట్ లో ఫైర్ అండ్ రెస్క్యూ టీమ్ అలర్ట్ గా ఉండటంతో పెద్ద ప్రమాదం తప్పింది. కేవలం 90 సెకన్లలో స్పందించిన ఫైర్ సిబ్బంది క్షణాల్లో మంటలను ఆర్పేశారు. వారం క్రితం జరిగిన ఈ సంఘటన ఆలస్యంగా వెలుగులోకి వచ్చింది. మస్కట్ ఎయిర్ పోర్ట్ అధికారులు ఈ సంఘటన గురించి మీడియాకు తెలిపారు. ఇండియన్ ఎక్స్ ప్రెస్ ఎయిర్ క్రాఫ్ట్ ఇంజిన్ లో మంటలు చేలరేగాయి. వెంటనే స్పందించిన రెస్క్యూ టీమ్ ఎక్స్ టింగ్విష్ లతో మంటలను అదుపులోకి తెచ్చాయని తెలిపారు. దీంతో పెద్ద ప్రమాదం తప్పందన్నారు. సకాలంలో స్పందించిన ఫైర్ అండ్ రెస్క్యూ టీమ్ కు మస్కట్ ఎయిర్ పోర్ట్ అధికారులు అభినందనలు తెలిపారు.