కువైట్: విదేశాల్లో జన్మించిన శిశువులతోపాటు ఇతర ప్రత్యేక అవసరాలు గల వారికి కుటుంబ వీసాల జారీని తిరిగి ప్రారంభించినట్లు అంతర్గత వ్యవహారాల మంత్రిత్వ శాఖ తెలిపింది.  'కొన్ని ప్రత్యేక కేటగిరీ' వ్యక్తులతోపాటు శిశువుల కోసం కుటుంబ వీసాలను తిరిగి జారీ చేస్తున్నట్లు వెల్లడించింది. కువైట్ వెలుపల జన్మించిన శిశువులు ఉన్నవారు తమ పిల్లలను కువైట్ తీసుకురావడానికి అనుమతించనున్నట్లు అంతర్గత మంత్రిత్వ శాఖ తెలిపింది. వీసా కోసం వచ్చే అభ్యర్థనలను మానవతా కోణంలో పరిగణనలోకి తీసుకుంటామని పేర్కొంది. అంతకుముందు విదేశాల్లో జన్మించిన శిశువులను కువైట్ తీసుకొచ్చేందుకు అవసరమైన వీసాల జారీని కువైట్ నిలిపివేసింది.