దుబాయ్ : దుబాయ్ అంతర్జాతీయ విమానాశ్రయంలో 12.5 కిలోల గంజాయిని దుబాయ్ కస్టమ్స్ అధికారులు స్వాధీనం చేసుకున్నారు. ఆఫ్రికా దేశం నుండి దుబాయ్ అంతర్జాతీయ విమానాశ్రయానికి వచ్చిన ఓ ప్రయాణీకుడి దగ్గర ఇది లభించిందని కస్టమ్స్ అధికారులు తెలిపారు. ప్రయాణికుడి లగేజీని ఎక్స్‌రే మెషీన్‌ల ద్వారా స్కాన్ చేయగా.. అనుమానాస్పద వస్తువువుల ఉన్నట్లు గుర్తించినట్లు అధికారులు వివరించారు. అనంతరం అతని రెండు బ్యాగుల నుంచి మొత్తం 12.5 కేజీల గంజాయి ప్యాకేట్లను స్వాధీనం చేసుకున్నట్లు కస్టమ్స్ అధికారులు వెల్లడించారు.