‘కుమారి 21 ఎఫ్’ సినిమాతో హీరోయిన్‌గా తెరంగేట్రం చేసింది హెబ్బా పటేల్. తొలి సినిమాకే బోల్డ్ బ్యూటీ అనిపించుకుంది. ఆ తర్వాత ‘ఎక్కడికి పోతావు చిన్నవాడా’ వంటి కొన్ని సినిమాలతో సూపర్ హిట్లు కూడా తన ఖాతాలో వేసుకుంది. 
అయితే, గత కొంతకాలంగా కెరీర్‌లో పెద్దగా కలిసి రాని హెబ్బా పటేల్, ఇటీవల ‘ఓదెల రైల్వేస్టేషన్’ అనే ఓటీటీ కంటెంట్ ద్వారా మళ్లీ ఫామ్‌లోకి వచ్చింది. పర్‌ఫామెన్స ఓరియెంటెడ్ రోల్‌తో అదరగొట్టేసింది. అంతకు ముందు వరకూ హెబ్బా పటేల్ మీద వున్న అభిప్రాయాలు ఈ సినిమాతో మారిపోయాయ్.
కంప్లీట్ ట్రాన్స్‌ఫామేషన్ చూపించింది ఈ సినిమా ద్వారా హెబ్బా పటేల్. తాజాగా హెబ్బా నటించిన మరో సినిమా చర్చల్లోకి వచ్చింది. సినిమా పేరు ‘బ్లాక్ అండ్ వైట్’. ఈ సినిమా కూడా ఇంచుమించు హీరోయిన్ సెంట్రిక్ మూవీనే అని చెప్పొచ్చు.
మళ్లీ బోల్డ్ క్యారెక్టర్‌లోనే కనిపించింది ఈ సినిమా కోసం హెబ్బా పటేల్. స్మోక్ చేయడం దగ్గర్నుంచీ కొన్ని బోల్డ్ సన్నివేశాల్లోనూ ఈజీగా నటించేసింది హెబ్బా పటేల్. అప్‌కోర్స్.! అది ఆమెకు కొట్టిన పిండే అనుకోండి. లేటెస్టుగా రిలీజ్ చేసిన ఈ సినిమా టీజర్ ఆసక్తి కలిగిస్తోంది. చూడాలి మరి, ఈ సినిమాతో కూడా హెబ్బా హిట్ కొట్టిందబ్బా.! అనిపిస్తుందేమో.!