సక్సెస్ ఫెయిల్యూర్స్‌తో సంబంధం లేకుండా, సినిమాలు చేసుకుంటూ పోయే హీరో సుధీర్ బాబు. కంటెంట్ వున్న కథలనే సుధీర్ బాబు ఎంచుకుంటూ వుంటాడన్న ఒకింత నమ్మకం వుంది సుధీర్ బాబుపై ఆడియన్స్‌కి.
అప్పుడప్పుడూ కాస్త తప్పటడుగులు వేసినా, దాదాపు ఆ నమ్మకాన్ని నిలబెట్టుకుంటూనే వుంటాడు సుధీర్ బాబు. మొన్నీమధ్యనే ‘ఆ అమ్మాయి గురించి మీకు చెప్పాలి’ అన్నాడు. 
ఆ తర్వాత ‘హంట్’ అనే కొత్త సినిమాని లైన్‌లో పెట్టాడు. రేపో మాపో ఈ సినిమా కూడా ప్రేక్షకుల ముందుకు రానుంది. ఈ లోపే మరో కొత్త ప్రాజెక్ట్ సెట్ చేసేశాడు సుధీర్ బాబు. 
ఆ ప్రాజెక్ట్‌కి సంబందించి రీసెంట్‌గా ఫస్ట్ లుక్ రిలీజ్ చేసి, క్యూరియాసిటీ క్రియేట్ చేసిన సంగతి తెలిసిందే. ఆ ఫస్ట్ లుక్‌కి సంబంధించి, తాజాగా టైటిల్ అనౌన్స్‌మెంట్ జరిగింది. సుధీర్ బాబు కొత్త సినిమాకి ‘హరోం హర’ అనే టైటిల్‌ని కన్‌ఫామ్ చేస్తూ మరో పోస్టర్ రిలీజ్ చేశారు.
ఓ చేతిలో గన్, మరో చేతిలో సుబ్రహ్మణ్య స్వామి ఆయుధాన్ని పట్టుకుని వెనక్కి నిలబడి కనిపిస్తున్నడీ పోస్టర్‌లో హీరో. దూరంగా గుడి గోపురం కనిపిస్తోంది. పక్కనే ఓ జీపు.. మొన్న రిలీజ్ చేసిన ఫస్ట్‌‌లుక్‌కి ఈ పోస్టర్ కొనసాగింపుగా వుంది. రీసెంట్‌గా రిలీజ్ అయిన ‘కార్తికేయ 2’ ఏ స్థాయిలో సక్సెస్ అయ్యిందో అందరికీ తెలిసిందే. ఆ తరహా ఫార్ములానే ఈ సినిమాలో యూజ్ చేయబోతున్నారా.? అనే డౌటానుమానం కొడుతోంది ఆడియన్స్‌కి తాజా పోస్టర్ చూస్తుంటే. చూడాలి మరి, సుధీర్ బాబు ‘హరోం హర’ అంటూ ఏం చేయబోతున్నాడో.!