యూఏఈ: 'ప్రజారోగ్యానికి ప్రమాదం' అని ఒక సూపర్ మార్కెట్‌ను అబుధాబి అగ్రికల్చర్ అండ్ ఫుడ్ సేఫ్టీ అథారిటీ మూసివేయించింది. ఫుడ్ సేఫ్టీ నిబంధనల ఉల్లంఘన నేపథ్యంలో జాఫ్కో(JAFCO) సూపర్‌మార్కెట్‌ను పరిపాలనాపరంగా మూసివేస్తామని అధికార యంత్రాంగం సోషల్ మీడియాలో తెలిపింది. అబుధాబి ఎమిరేట్‌లో ఆహారానికి సంబంధించి 2008 నాటి చట్టం నెం. (2)ను ఉల్లంఘించడంతో పాటు ప్రజారోగ్యానికి హాని కలిగించినందున ఈ నిర్ణయం తీసుకున్నట్లు అథారిటీ వివరించింది. ఫుడ్ సేఫ్టీ విషయంలో ఏవైనా ఉల్లంఘనలను గుర్తిస్తే 800 555 నెంబరుకు కాల్ చేసి తెలపాలని సూచించింది.