ఈ మధ్య చిరంజీవి నటించిన సినిమాల్లో ఐటెం సాంగ్స్ పెద్దగా కలిసి రావడం లేదు. తేలిపోతున్నాయి. కారణాలేమైనా కావచ్చు.. ఆయా ఐటెం సాంగ్స్‌ పెద్దగా క్రేజ్ దక్కించుకోలేదు. 
‘ఆచార్య’ ఫ్లాప్ కావడం వల్లనేమో రెజీనాతో చేసిన ఐటెం సాంగ్ తేలిపోయింది. ‘గాడ్ ఫాదర్’ హిట్ అయినా కానీ, ఈ సినిమాలో ఐటెం సాంగ్ స్టోరీ రిలేటెడ్ కావడంతో పెద్దగా పాపులర్ కాలేదు.
ఈ నేపథ్యంలో చిరంజీవి తాజా చిత్రం ‘వాల్తేర్ వీరయ్య’ ఐటెం సాంగ్‌పై భిన్నాభిప్రాయాలు వినిపిస్తున్నాయ్. బాబీ దర్శకత్వంలో తెరకెక్కుతోన్న ఈ సినిమాని చిరంజీవి మార్కు మాస్ స్టైలింగ్‌లో చిత్రీకరిస్తున్నారు. ఆ విషయాన్ని ఆల్రెడీ రీసెంట్ టీజర్‌తో ప్రూవ్ చేసేశారు. 
అలాంటి మాస్ సినిమాకి ఓ ఐటెం సాంగ్ ఖచ్చితంగా వుండి తీరాలి కదా. అందుకే బాలీవుడ్ బ్యూటీ ఊర్వశి రౌతెలాని ఈ సినిమాలో ఐటెం సాంగ్ కోసం తీసుకొచ్చారట. ఆల్రెడీ ఈ సాంగ్ షూటింగ్ కూడా అయిపోయినట్లు విశ్వసనీయ వర్గాల సమాచారం. 
అంతా బాగానే వుంది కానీ, చిరంజీవిని చూసేందుకే రెండు కళ్లూ చాలవు. అలాంటప్పుడు ఆయన సినిమాలో ఇక ఐటెం సాంగ్ అవసరమా.? అనేది ఓ వర్గం ఫ్యాన్స్ అభిప్రాయం. అదీ సంగతి.