కువైట్: ప్రవాస కార్మికులను పరీక్షించడంలో ప్రైవేట్ రంగాన్ని భాగస్వామ్యం చేయాలని కువైట్ ఆరోగ్య మంత్రిత్వ శాఖ యోచిస్తోంది. దీనికి సంబంధించి విధానాలు, సేవా రుసుములు, అనుసంధాన ప్రణాళిక తదితర అంశాలపై ప్రైవేట్ ఆరోగ్య సంస్థలు, ఆరోగ్య మంత్రిత్వ శాఖ మధ్య జరిగిన చర్చలు కొలిక్కివచ్చినట్లు సమాచారం. ప్రభుత్వ ఆరోగ్య కేంద్రాలపై ఒత్తిడిని తగ్గించడం, కొన్ని పరీక్షల కోసం వెయిటింగ్ పీరియడ్‌ను తగ్గించడం, అంటు వ్యాధులను త్వరగా గుర్తించడం లాంటి చర్యల కోసం ప్రవేట్ ఆస్పత్రులతో ఒప్పందం చేసుకునేందుకు యత్నిస్తున్నట్లు ఆరోగ్య మంత్రిత్వ శాఖలోని ఓ ఉన్నతాధికారి వివరించారు.