యూఏఈ: అబుధాబిలో ఒక యువకుడు తన కారును దొంగిలించాడని, దానితో Dh508,000 విలువైన ఉల్లంఘనలకు పాల్పడ్డాడని.. ఓ మహిళ సదరు యువకుడిపై అబుధాబి ఫ్యామిలీ అండ్ సివిల్ అడ్మినిస్ట్రేటివ్ క్లెయిమ్స్ కోర్టులో సివిల్ దావా వేసింది. తన పేరుపై నమోదైన ట్రాఫిక్ జరిమానాలను క్లియర్ చేయాలని లేదా నిందితుడి ఖాతాకు బదిలీ చేయాలని తన దావాలో కోరింది. కేసును విచారించిన అబుధాబి క్రిమినల్ కోర్టు చోరీకి పాల్పడినట్లు తేలిన తరువాత యువకుడికి ఏడాది జైలు శిక్ష విధించింది. మహిళ కారును ఉపయోగించి ట్రాఫిక్ ఉల్లంఘనలకు కారణమైనందుకు 500 దిర్హామ్‌లు జరిమానా విధించింది. కానీ, సదరు మహిళ దావాకు సంబంధించి కోర్టు రుసుమును చెల్లించలేదని గుర్తించింది. కోర్టు ఫీజు చెల్లించనందుకు కేసును తిరస్కరించినట్లు కోర్టు తన తీర్పులో పేర్కొంది. అలాగే నిందితుడికి న్యాయపరమైన ఖర్చులు చెల్లించాలని మహిళను ఆదేశించింది.