యూఏఈ: షార్జాలో అల్ తవూన్ ప్రాంతంలోని భవనం 14వ అంతస్తు నుంచి పడి ఆసియా సంతతికి చెందిన మూడేళ్ల చిన్నారి మృతి చెందాడు. అల్ బుహైరా పోలీసుల కథనం ప్రకారం..  కేసు ఫైల్ తదుపరి విచారణ కోసం పబ్లిక్ ప్రాసిక్యూషన్‌కు రిఫర్ చేశారు. ప్రమాదం గురించి సోమవారం ఉదయం కాల్ వచ్చిందని,  ప్రమాద స్థలానికి చేరేసరికే అప్పటికే బాలుడు మృతి చెందినట్లు గుర్తించినట్లు పోలీసులు పేర్కొన్నారు. ప్రస్తుతం ఈ కేసుపై విచారణ సాగుతుందన్నారు. ఈ ఏడాదిలో ఇలాంటి సంఘటన జరగడం ఇది రెండోదని పోలీసులు తెలిపారు. ఫిబ్రవరిలో షార్జాలోని కింగ్ ఫైసల్ స్ట్రీట్‌లో ఉన్న రెసిడెన్షియల్ టవర్ 32వ అంతస్తు నుండి పడి 10 ఏళ్ల ఆసియా పిల్లవాడు మరణించాడు.