న్యూ ఢిల్లీ: భారతీయులకు సౌదీ అరేబియా శుభవార్త చెప్పింది. వీసా నిబంధనల్లో కీలక సవరణ చేసింది. పోలీస్ క్లియరెన్స్ సర్టిఫికెట్ సమర్పించే నిబంధనను తొలగించింది. సౌదీ వీసా కోసం ఇక పై భారతీయులు పోలీస్ క్లియరెన్స్ సర్టిఫికెట్(PCC)ని సమర్పించాల్సిన అవసరం లేదని సోషల్ మీడియా వేదికగా వెల్లడించింది. ‘భారత్‌తో సౌదీకి ఉన్న బలమైన దౌత్య సంబంధాలను దృష్టిలో పెట్టుకుని.. వీసా కోసం పీసీసీ సమర్పించాలనే నిబంధన నుంచి భారతీయులకు మినహాయింపు ఇస్తున్నాం. ఇక పై భారతీయులు సౌదీ వీసా కోసం పోలీస్ క్లియరెన్స్ సర్టిఫికెట్‌ను సబ్మిట్ చేయాల్సిన అవసరం లేదు’ అని భారత్‌లోని సౌదీ రాయబార కార్యాలయం ట్విట్టర్ వేదికగా తెలిపింది. కాగా.. సౌదీ ప్రభుత్వం తీసుకున్న ఈ నిర్ణయంతో.. ఉపాధి, ఉద్యోగాల కోసం ఆ దేశానికి వలస వెళ్లే భారత పౌరులకు భారీ ఉపశమనం లభించినట్టైంది. రెండు దేశాల మధ్య దౌత్య సంబంధాలను స్థాపించి 75వ వార్షికోత్సవాన్ని జరుపుకుంటున్న తరుణంలో పీసీసీకి మినహాయింపు ఇవ్వాలని సౌదీ నిర్ణయం తీసుకుంది.

In view of the strong relations and strategic partnership between the Kingdom of Saudi Arabia and the Republic of India, the Kingdom has decided to exempt the Indian nationals from submitting a Police Clearance Certificate (PCC). pic.twitter.com/LPvesqLlPR

— Saudi Embassy in New Delhi (@KSAembassyIND) November 17, 2022