సౌత్ క్వీన్‌గా అరుదైన గౌరవం దక్కించుకున్న ముద్దుగుమ్మ నయనతార. కమర్షియల్ సినిమాలైనా, లేడీ ఓరియెంటెడ్ సినిమాలైనా ముందుగా గుర్తొచ్చే పేరు నయనతార.
తెలుగుతో పాటూ, తమిళ, కన్నడ, మలయాళ సినిమాల్లో స్టార్ హీరోయిన్‌గా వెలుగొందడం అంటే అంత ఆషా మాషీ విషయం కాదు. అందుకే నయనతార ది స్పెషల్. 
సౌత్‌లో ఏ హీరోయిన్ చేయని విధంగా 75 సినిమాల్లో నటించింది ఇంతవరకూ నయన్. అందుకే ఆమెను లేడీ సూపర్ స్టార్ అంటూ ముద్దుగా పిలుచుకుంటుంటారు అభిమానులు. ఎంత పెద్ద స్టార్ సినిమా అయినా, ప్రమోషన్లకు మాత్రం రానే రాదు నయన తార. కేవలం షూటింగ్ వరకే తన డేట్లు కేటాయిస్తుంటుంది. 
అయినా కానీ, హీరోయిన్‌గా క్రేజ్ ఎంత మాత్రమూ తగ్గకపోవడం కేవలం నయన తారకే చెల్లిందనాలేమో. తెలుగులో ‘లక్ష్మి’ సినిమాతో తెరంగేట్రం చేసింది నయన తార. అంతకు ముందే, ‘గజిని’, ‘చంద్రముఖి’ డబ్బింగ్ సినిమాలతో పరిచయమైంది. 
లేటెస్టుగా ‘గాడ్ ఫాదర్’ సినిమాలో చిరంజీవికి చెల్లెలిగా కీలక పాత్రలో కనిపించి మెప్పించిన నయన్, ఈ రోజు తన 38 వ పుట్టినరోజు జరుపుకుంటోంది. ఈ సందర్భంగా హ్యాపీ బర్త్‌డే టు యు నయన తార.