జెడ్డా : జెడ్డా కార్నిచ్ వాటర్ ఫ్రంట్‌లోకి ఓ కారు అదుపు తప్పి దూసుకెళ్లింది. ఈ ఘటనలో కారులో చిక్కుకుపోయిన ఒక మహిళను స్థానికులు రక్షించారు. సమాచారం అందుకొని ఘటనా స్థలానికి వచ్చిన మినిస్ట్రీ ఆఫ్ ఇంటీరియర్‌లోని నేషనల్ సెంటర్ ఫర్ సెక్యూరిటీ ఆపరేషన్స్ (911) ఒక వాహనం.. గాయపడ్డ మహళను, వాటర్ ఫ్రంట్ లో పడే ముందు కారు ఢీకొట్టడంతో గాయపడ్డ పాదచారిని సమీపంలోని ఆసుపత్రికి తరలించారు.

పోలీసులు, స్థానికులు తెలిపిన వివరాల ప్రకారం.. కార్నిచ్ రోడ్డులో మహిళ నడుపుతున్న కారు అదుపు తప్పి కాలిబాటపైకి దూసుకెళ్లి పాదచారిని ఢీకొట్టింది. అనంతరం వాటర్ ఫ్రంట్ లో పడిపోయింది. ఈ దృశ్యాన్ని చూసిన సౌదీ పౌరుడు హటాన్ అల్-జహదాలీ అప్రమత్తమై నీటిలో దిగి మహిళ ప్రాణాలను కాపాడాడు.