అసలు ఆమ్‌చూర్‌ అంటే..పచ్చి మామిడి కాయల్ని ఎండబెట్టి పొడిగా చేస్తే అదే ఆమ్‌చూర్‌ మిశ్రమం. అయితే ఈ మిశ్రమం ఆరోగ్యానికి ఎంతో మేలు చేస్తుందని ఆరోగ్యనిపుణులు చెబుతున్నారు. ఈ పొడిలో ఐరన్‌ శాతం ఎక్కువ. గర్భిణులకూ, రక్త హీనతతో బాధపడేవారికి ఇదెంతో మంచి ఆహారం. పిల్లలకు తరచూ ఆహారంలో ఇది వాడడం వల్ల ఆకలి పెరిగి ఆరోగ్యంగా ఉంటారు. మామిడి కాయల్లో యాంటీ ఆక్సిడెంట్లూ, పాలీ ఫినాల్స్‌, ఫినోలిక్‌ యాసిడ్స్‌ అధికంగా ఉంటాయి. మామిడికాయను ప్రాసెస్‌ చేసి పొడి చేసినా ఈ గుణాలు అలానే ఉంటాయి. ఇవి జీరాణశయాన్ని శుభ్రం చేసి, అరుగుదలా, గ్యాస్‌ సంబంధిత సమస్యల్లేకుండా చేస్తాయి. శరీరానికి అవసరమైన రోగ నిరోధక శక్తిని పెంచుతాయి.