తెలుగులో నెంబర్ వన్ హీరోయిన్ అనిపించుకున్న రష్మిక, ఇప్పుడు బాలీవుడ్‌నీ చక్కబెట్టేస్తున్న సంగతి తెలిసిందే. ‘పుష్ప’ సినిమాతో రష్మిక మండన్నా స్టార్‌డమ్ నెక్స్‌ట్ లెవల్‌కి చేరుకుందని చెప్పొచ్చు.
దాంతో, బాలీవుడ్‌లో యమా యాక్టివ్‌గా జోరు చూపించింది రష్మిక. ఒకదానిపై ఒకటి అన్నట్లుగా ఏకంగా మూడు ప్రాజెక్టులు లైన్‌లో పెట్టేసింది. చకచకా షూటింగ్ కూడా కంప్లీట్ చేసేసింది.
అందులో ‘గుడ్ బై’ అనే సినిమా రీసెంట్‌గా రిలీజ్ అయ్యింది కానీ, ఆశించిన రిజల్ట్ అందుకోలేకపోయింది. బిగ్‌బి అమితాబ్ ఈ సినిమాలో ఇంపార్టెంట్ రోల్ పోషించారు.
ధియేటర్లలో సో సో అనిపించుకున్న ఈ సినిమా రీసెంట్‌గా ఓటీటీకీ వచ్చేసింది. అక్కడ కూడా ఆడియన్స్ పెద్దగా ఇంట్రెస్ట్ చూపలేదీ సినిమాపై.
ఇదిలా వుంటే, రష్మిక నటించిన ఇంకో సినిమా ‘మిస్టర్ మజ్ను’ డైరెక్ట్ ఓటీటీలో రిలీజైపోతోంది. అతి త్వరలోనే ఈ సినిమా ఓటీటీలో రిలీజ్ అవుతున్నట్లు లేటెస్టుగా అనౌన్స్‌మెంట్ వచ్చింది. పాప.! రష్మిక ఈ సినిమాపై బోలెడన్ని ఆశలు పెట్టుకుంది. తీరా చూస్తూ పరిస్థితి ఇలాగైపోయింది.. అంటూ రష్మిక యాంటీ ఫ్యాన్స్ ట్రోల్ చేస్తున్నారు.