విశ్వనటుడు కమల్ హాసన్ నటిస్తున్న తాజా చిత్రం ‘ఇండియన్ 2’. ప్రస్తుతం శరవేగంగా షూటింగ్ జరుపుకుంటున్న ఈ సినిమాకి సంబంధించి ఓ బిగ్ అప్డేట్ రివీల్ అయ్యింది. 
మొదటి పార్ట్ ‘ఇండియన్’ కోసం కమల్ హాసన్ ద్విపాత్రాభినయం చేయగా, ఇండియన్ 2 కోసం మూడు పాత్రల్లో కనిపించనున్నారట.
 సేనాపతి, అతని కొడుకు చంద్రబోస్ పాత్రల నేపథ్యంలో ‘ఇండియన్’ మూవీ తెరకెక్కిన సంగతి తెలిసిందే. అయితే, ఈ సారి సేనాపతి, అతని తండ్రి పాత్రల (1920 ల కాలం) నేపథ్యంలో ఈ సినిమా వుండబోతోందట. 
అలాగే, మనవడు చంద్రబోస్ కాలాన్ని కూడా సమాంతరంగా నడపనున్నారట. ఆ మూడో పాత్ర అంటే, సేనాపతి తండ్రి పాత్ర కోసం కమల్ హాసన్ 90 ఏళ్ల వయసున్న వ్యక్తిలా కనిపించబోతున్నారట. ఈ పాత్ర కోసం ఆయన చాలా చాలా కష్టపడ్డారట. కొన్ని రోజులు ఎటువంటి ఆహారం తీసుకోకుండా, కేవలం పండ్లరసాలతోనే గడిపేశారట. 
ఈ పాత్రే ఈ సినిమాకి అత్యంత కీలకంగా చెబుతున్నారు. క్రియేటివ్ డైరెక్టర్ శంకర్ డైరెక్షన్‌లో తెరకెక్కుతోన్న ఈ సినిమాలో కాజల్ అగర్వాల్ మరియు రకుల్ ప్రీత్ సింగ్ హీరోయిన్లుగా నటిస్తున్నారు.