కువైట్: రెసిడెన్స్ అఫైర్స్ ఇన్వెస్టిగేషన్ జనరల్ డిపార్ట్‌మెంట్ ఫర్వానియా ప్రాంతంలో లైసెన్స్ లేని కుట్టు వర్క్‌షాప్‌లను మూసివేయించింది. నివాస చట్టాన్ని ఉల్లంఘించిన 51 మందిని అరెస్టు చేసింది. ఉల్లంఘనల గురించి కొన్ని సోషల్ మీడియా సైట్‌లలో ప్రసారమైన వీడియో క్లిప్ ఆధారంగా దాడులు నిర్వహించినట్లు అధికారులు తెలిపారు. నిబంధనలు ఉల్లంఘించిన వారందరిపై చట్టపరమైన చర్యలు తీసుకోవడానికి సంబంధిత అధికారులకు సిఫార్సు చేసినట్లు పేర్కొన్నారు.