పెళ్లి తర్వాత నయన తార పూర్తిగా మారిపోయింది అనడానికి ఇదే పెద్ద ఉదాహరణ. నయన తారను హీరోయిన్‌గా స్క్రీన్‌పై అనేక రకాల పాత్రల్లో చూశాం.కానీ, ప్రమోషన్లలో మాత్రం చాలా అరుదుగా మాత్రమే చూస్తుంటాం.
పెద్ద పెద్ద స్టార్ హీరోల సినిమాలైనా సరే, నయన్ మాత్రం ప్రమోషన్లకు రానే రాదు. అలాంటిది, తాజాగా ఓ తెలుగు మీడియా ఇంటర్వ్యూలో నయన్ కనిపించి అందరికీ షాకిచ్చింది.
సుమ హోస్టింగ్‌లో జరిగిన ఈ ఇంటర్వ్యూలో నయన తార చాలా హుందాగా పాల్గొంది. సుమ అడిగిన ప్రశ్నలన్నింటికీ చక్కగా సమాధానమిచ్చింది. 
ఆమె నటించిన తాజా మూవీ ‘కనెక్ట్’ ఈ రోజు అనగా డిశంబర్ 21న రిలీజ్ అవుతున్న సందర్భంగా నయన్ ఈ ఇంటర్వ్యూ ఇచ్చింది. ఇలా ఇంటర్వ్యూలో నయన్‌ని చూసిన ఫ్యాన్స్ ఫుల్ ఖుషీ అవుతున్నారు.
కాగా, హారర్ కాన్సెప్ట్‌లో తెరకెక్కిన చిత్రం ‘కనెక్ట్’. ఈ సినిమాకి బజ్ బాగానే క్రియేట్ అయ్యింది. నయన్ క్రేజ్‌తో ఆల్రెడీ క్రియేట్ అయిన బజ్‌తో ఆడియన్స్‌కి ఈ సినిమా ఎలా ‘కనెక్ట్’ అవుతుందో చూడాలి మరి.