దుబాయ్‌ హెల్త్‌ అథారిటీ, దుబాయ్‌ వాసులు హెల్త్‌ ఇన్స్యూరెన్స్‌ కవర్‌ని జూన్‌ 30 లోపు పొందాల్సిందిగా ఆదేశాలు జారీ చేసింది. ఆదేశాల్ని ధిక్కరించినవారికి గడువు ముగిశాక జరీమానా విధించబడుతుంది. వీసా రెన్యువల్‌ సందర్భంగా ఇన్స్యూరెన్స్‌ లేనిపక్షంలో భారీ జరీమానాను ఎదుర్కోవాల్సి వస్తుందని అధికారిక వర్గాలు స్పష్టం చేశాయి. డిపెండెంట్స్‌ సైతం ఇన్స్యూరెన్స్‌ కవర్‌ పొందవలసి ఉంటుంది. లేని పక్షంలో లీగల్‌గా అనేక ఇబ్బందులు తప్పవని అధికారులు హెచ్చరించారు. దుబాయ్‌లో ప్రతి ఒక్కరికీ హెల్త్‌ ఇన్స్యూరెన్స్‌ తప్పనిసరి అనే నిబంధన అమల్లో ఉంది. 12,000 దిర్హామ్‌ల నుంచి 30,000 దిర్హామ్‌ల వరకు అత్యధిక ప్రీమియంతో ఇన్సూరెన్స్‌ ప్యాకేజీలున్నాయి. ఈ కారణంగా కొందరు ఆర్థిక భారం భరించలేక ఇన్స్యూరెన్స్‌ రెన్యువల్‌కి వెనుకంజ వేస్తుండడం జరుగుతుంది. హెల్త్‌ ఇన్స్యూరెన్స్‌కి సంబంధించి డిహెచ్‌ఏ స్పష్టమైన మార్గదర్శకాలను రూపొందించింది. ఏవైనా ఇబ్బందులు ఎదురైన పక్షంలో బాధితులు ఫిర్యాదు చేయడానికీ అవకాశాల్ని కల్పించారు. అంకాలజీ సహా పలు ముఖ్యమైన విభాగాల్లో ఇన్స్యూరెన్స్‌ సేవలపై అధికారులు పూర్తిస్థాయిలో నిఘా ఉంచుతున్నారు. మిడిల్‌ ఈస్ట్‌లో అంకాలజీకి సంబంధించి కాంప్రహెన్సివ్‌ రెగ్యులేషన్స్‌ దుబాయ్‌లోనే అందరికీ అందుబాటులో ఉండేలా తీర్చిదిద్దబడ్డాయి.