హైదరాబాద్: నేచురల్‌ స్టార్‌ నాని నటిస్తున్న చిత్రం 'దసరా'. శ్రీకాంత్‌ ఓదెలా దర్శకత్వం వహిస్తున్న ఈ మూవీ తాజాగా షూటింగ్‌ పూర్తి చేసుకుంది. ఈ సందర్భంగా నాని ఇన్‌స్టాగ్రామ్‌లో 'ఎపిక్‌ మూవీ దసరా షూటింగ్‌ పూర్తయింది. డైమండ్‌ లాంటి సినిమా ఎప్పుడూ ప్రకాశిస్తుంది' అని పోస్టు చేస్తూ చిన్న వీడియో గ్లింప్స్‌ షేర్‌ చేశాడు. ఈ సినిమా కోసం నాని మాస్‌ అవతారంలో పూర్తిగా మారాడు. ఈ వీడియో షేర్‌ చేసిన కొన్ని క్షణాలకే గడ్డం, మీసం తీసేసి లవర్‌ బాయ్ లుక్‌లో ఉన్న ఫోటో పోస్ట్‌ చేశారు. అవుట్‌ యాక్షన్‌ ఎంటర్‌టైనర్‌గా తెరకెక్కిన ఈ సినిమాలో నానికి జోడీగా కీర్తిసురేష్‌ నటిస్తుంది. ఈ చిత్రాన్ని మార్చి 30న ప్రేక్షకుల ముందుకు తీసుకురావాలని మేకర్స్‌ సన్నాహాలు చేస్తున్నారు.