‘అన్‌స్టాపబుల్’ షోతో తొలిసారిగా బాలయ్యతో సరికొత్త ప్రయోగానికి శ్రీకారం చుట్టారు ప్రముఖ నిర్మాత అల్లు అరవింద్. ఈ టాక్ షో ద్వారా పలువురు రాజకీయ, సినీ ప్రముఖ సెలబ్రిటీలకు సంబంధించిన పర్సనల్ అండ్ ప్రొఫిషనల్ ఇష్యూస్‌ని ప్రేక్షకులకు తెలియచెప్పే ప్రయత్నం చేశారు.

ఈ షో బాగా పాపులర్ అయ్యింది. దాంతో, ఈ తరహాలోనే మరో కొత్త ప్రోగ్రామ్‌కి అల్లు అరవింద్ స్కెచ్ వేస్తున్నట్లు తెలుస్తోంది. ఈ షోకీ బాలయ్యనే హోస్ట్‌గా తీసుకోవాలని అనుకుంటున్నారట.

త్వరలోనే ఆ ప్రోగ్రామ్‌కి సంబంధించి పూర్తి వివరాలు వెల్లడి చేయనున్నారనీ తెలుస్తోంది. అన్నట్లు అసలు మ్యాటర్ వేరే వుందండోయ్. అల్లు అరవింద్, గీతా ఆర్ట్స్ బ్యానర్‌లో ఓ పెద్ద ప్రాజెక్ట్ చేయబోతున్నారట. 

ఎవరితోనో తెలుసా.? ఇంకెవరితో.! బాలయ్యతోనే. ఈ మధ్య గీతా ఆర్ట్స్ బ్యానర్‌లో సినిమాలేమీ రావడం లేదు. గీతా ఆర్ట్స్ 2 బ్యానర్‌ ద్వారానే చిన్న సినిమాలను రిలీజ్ చేస్తూ వస్తున్నారు. అతి త్వరలో గీతా ఆర్ట్స్ బ్యానర్‌లో బాలయ్యతో ఓ పెద్ద ప్రాజెక్ట్‌కి లైన్ క్లియర్ చేస్తున్నారట అల్లు అరవింద్. త్వరలోనే దీనికి సంబంధించి అధికారిక ప్రకటన రానుందట. అదీ సంగతి.