సాల్ట్‌ కేవలం వంటకాల్లో టేస్ట్‌నివ్వడమే కాదు. సహజ మెడిసన్‌లా కూడా పని చేస్తుంది. కొంతమంది మాట్లాడుతుంటే నోటి నుండి దుర్వాసన వస్తూ, ఎదుటివారికి చాలా ఇబ్బందిగా ఉంటుంది. దాన్ని పోగొట్టాలంటే సాల్ట్‌తో చిన్న చిట్కా. పావుకప్పు నీటిలో చిటికెడు ఉప్పు, పావు చెంచా వంట సోడా కలిపి అరగంట సేపు అలాగే ఉంచాలి. ఆ తరువాత ఆ నీటితో నోటిని పుక్కిలించినా, నోటిలోని ఫంగస్‌, బాక్టీరియా తొలగిపోయి, నోరు తాజాగా ఉంటుంది. కొంతమందికి గోర్లు పసుపు రంగులోకి మారతాయి. అలాంటి వారు ఒక చెంచా ఉప్పు, ఒక చెంచా వంటసోడా తీసుకుని దానికి ఒక నిమ్మకాయ రసం కలిపి పేస్ట్‌లా చెయ్యాలి. ఈ పేస్ట్‌ని గోళ్లకి పూతలా వేపి, ఆరాక గోరువెచ్చని నీటితో కడగాలి. ఇలా చెయ్యడం వల్ల గోళ్లు క్రమక్రమంగా వాటి రంగులోకి మారతాయి.