హిట్ 2 తో మరో హిట్ ను తన ఖాతాలో వేసుకున్న యంగ్ హీరో అడివి శేషు ఇంట్లో పెళ్లి సందడి మొదలైంది. శేషు సోదరి షిర్లీ పెళ్లి వేడుకలు అట్టహాసంగా జరుగుతున్నాయి. ప్రీ వెడ్డింగ్ వేడుకల్లో భాగంగా హల్దీ, మెహందీ ఈవెంట్స్‌ వేడుకలు అంబరాన్నంటాయి. ఈ వేడుకల్లో పలువురు సినీ ప్రముఖులు పాల్గొన్నారు.

ప్రముఖ కమెడియన్‌ వెన్నెల కిశోర్‌తో పాటు పలువురు సినిమా తారలు ఈ వేడుకల్లో సందడి చేశాడు. కాగా తన సోదరి వివాహానికి సంబంధించిన ఫొటోలను తన ఇన్‌ స్టాగ్రామ్ ఖాతాలో షేర్ చేశాడు అడివి శేష్ . ‘చెల్లి పెళ్లిలో అమ్మానాన్న, నేను ఆనందంగా గడుపుతున్నాం. మా బావ డేవిన్ ని మా కుటుంబంలోకి ఆహ్వానించబోతున్నాం’ అని ఒక పోస్టు షేర్‌ చేయగా.. ‘చిట్టి చెల్లికి పెళ్లి జరుగుతోంది. రాజస్థానీ థీమ్ ట్రై చేశాం. కానీ పెళ్లి మాత్రం తెలుగు సంప్రదాయం ప్రకారమే జరుగుతుంది’ అని మరో పోస్టును పంచుకున్నాడు.

ఇక శేషు సినిమాల విషయానికి వస్తే..మొదటి నుండి విభిన్న కథలతో ప్రేక్షకులకు కొత్తదనం అందిస్తూ వస్తున్నారు. క్షణం, గూఢచారి, ఎవరు, మేజర్‌, హిట్‌2.. ఇలా బ్యాక్‌ టు బ్యాక్‌ హిట్లు అందుకున్నాడు. ఇప్పుడు గూఢచారి సీక్వెల్ తో ప్రేక్షకుల ముందుకు రానుననాడు. ఇటీవలే ఈ సినిమాకి సబంధించిన ఫస్ట్ లుక్ ని కూడా విడుదల చేశారు. మొదటి పార్ట్‌ను మించి మరింత ఉత్కంఠగా, ఆసక్తికరంగా ఈ సినిమాను తెరెక్కించనున్నట్లు తెలుస్తోంది.