కువైట్: కువైట్‌లో సోమవారం(జనవరి 30) నుంచి తేలికపాటి వర్షాలు కురుస్తాయని, మంగళవారం(జనవరి 31)  క్రమంగా పెరిగి బుధవారం(ఫిబ్రవరి 1)  ఉదయం వరకు కొనసాగవచ్చని వాతావరణ శాఖ వెల్లడించింది. మంగళవారం నుంచి వర్షం కురిసే అవకాశాలు క్రమంగా పెరుగుతాయని, మంగళవారం మధ్యాహ్నం నుంచి బుధవారం ఉదయం వరకు వర్షం కురిసే అవకాశం ఉందని డిపార్ట్‌మెంట్‌లోని నావిగేషనల్ ఫోర్‌కాస్టింగ్ విభాగం అధిపతి అమీరా అల్-అజ్మీ తెలిపారు. సోమవారం ఉష్ణోగ్రతలు పెరిగే అవకాశం ఉందని, బుధవారం మళ్లీ తగ్గుముఖం పట్టే అవకాశం ఉందని అంచనా వేస్తున్నారు. బుధవారం పగటిపూట వాతావరణం మెరుగుపడుతుందని తెలిపారు.