కువైట్: 6 నెలల కంటే ఎక్కువ కాలం పాటు కువైట్ వెలుపల ఉండే అవకాశం ఉన్న విదేశీ పెట్టుబడిదారులకు 5 సంవత్సరాల వరకు నివాసం మంజూరు చేయాలని కువైట్ అంతర్గత వ్యవహారాల మంత్రిత్వ శాఖ యోచిస్తోంది. త్వరలో దీనికి సంబంధించిన ఉత్తర్వులు జారీ అయ్యే అవకాశం ఉన్నట్టు సమాచారం. ఇది అమల్లోకి వస్తే విశ్వవిద్యాలయ డిగ్రీ అవసరం లేకుండానే వాణిజ్య సందర్శన వీసాను పొందేందుకు పెట్టుబడి సంస్థలను అనుమతిస్తుంది. అంతేకాకుండా ఇప్పటికే కువైట్ లోకి ప్రవేశించకుండా నిషేధించబడిన జాతీయతలకు ప్రవేశ వీసాల కోసం దరఖాస్తు చేసుకునేందుకు పెట్టుబడి సంస్థలకు అనుమతిస్తారు.