దోహా: వడ్డీ రేట్లపై ఖతార్ సెంట్రల్ బ్యాంక్ (QCB) కీలక ప్రకటన చేసింది. డిపాజిట్ వడ్డీ రేటు, రుణ వడ్డీ రేటు,  రెపో రేటుకు సంబంధించి ప్రస్తుత వడ్డీ రేట్లను యధాతథంగా కొనసాగిస్తున్నట్లు ప్రకటించింది. ఈ మేరకు QCB తన అధికారిక సోషల్ మీడియా హ్యాండిల్స్‌లో ఒక ప్రకటన విడుదల చేసింది. "ఖతార్ సెంట్రల్ బ్యాంక్ ఖతార్ రాష్ట్రం ప్రస్తుత ద్రవ్య అవసరాలను అంచనా వేసింది. QCB డిపాజిట్ రేటు, QCB లెండింగ్ రేటు, QCB రెపో రేటు కోసం ప్రస్తుత వడ్డీ రేట్లను కొనసాగించాలని నిర్ణయించింది." అని సెంట్రల్ బ్యాంక్ వెల్లడించింది.  ఖతార్ స్థిరమైన ఆర్థిక వృద్ధికి మద్దతుగా ప్రస్తుత వడ్డీ రేట్లను తగిన స్థాయిలో నిర్వహించడం QCB లక్ష్యం అని పేర్కొంది.  

QCB ప్రస్తుత వడ్డీ రేట్లు

• QCB డిపాజిట్ వడ్డీ రేటు (QCBDR) 5 శాతం

• QCB రుణ వడ్డీ రేటు (QCBLR) 5.50 శాతం

• QCB రెపో రేటు (QCBRR) 5.25 శాతం