నేచురల్ స్టార్ నాని, మహానటి కీర్తి సురేష్ జంటగా తెరకెక్కుతోన్న సినిమా ‘దసరా’. మార్చి 30న ప్రేక్షకుల ముందుకు రానుంది. పక్కా మాస్ యాక్షన్ మూవీగా తెరకెక్కిన సినిమాగా ప్రచార చిత్రాలూ, నాని లుక్ పోస్టర్లూ ప్రూవ్ చేస్తున్నాయ్.
అయితే, ఇదో క్యూట్ అండ్ ప్యూర్ లవ్ స్టోరీ అని మహానటి కీర్తి సురేష్ కన్‌ఫామ్ చేసింది. తాజాగా ఈ సినిమాకి సంబంధించి కీర్తి సురేష్ ఈ సీక్రెట్ రివీల్ చేసింది. ఈ సినిమా చేసేటప్పుడు చాలా చాలా ఎంజాయ్ చేస్తూ చేశామని తెలిపింది.
గతంలో ‘నేను లోకల్’ సినిమా కోసం నాని, కీర్తి సురేష్ జత కట్టిన సంగతి తెలిసిందే. రెండో సారి ఇదే కాంబినేషన్‌లో వస్తోన్న ‘దసరా’ ఎలా వుండబోతోందో చూడాలంటే మార్చి ఎండింగ్ వరకూ ఆగాల్సిందే.