మిల్కీ బ్యూటీ తమన్నా పనయిపోయిందనుకున్న ప్రతీసారి అల్టిమేట్ ఆఫర్లతో దూసుకొస్తుంటుంది. గతేడాది ‘ఎఫ్ 3’ తదితర సినిమాలతో దూకుడు ప్రదర్శించింది. ‘బబ్లీ బౌన్సర్’ అంటూ సోలోగా ఓటీటీలో తన ఐడెంటిటీని చాటుకుంది. విమర్శకుల ప్రశంసలు దక్కాయ్ ఈ సినిమాతో తమన్నాకి. 
ఇక, ఇప్పుడు తమిళ సూపర్ స్టార్ అయిన రజనీకాంత్ సినిమాలో ఛాన్స్ కొట్టేసి వావ్ అనిపించింది. రజనీకాంత్ నటిస్తున్న ‘జైలర్’ సినిమాలో తమన్నా హీరోయిన్‌గా నటిస్తున్న సంగతి తెలిసిందే. రీసెంట్‌గా సెట్స్‌లో జాయిన్ అయిన తమన్నా.. ఎగ్జైట్‌మెంట్ తట్టుకోలేకపోతోందట. 
సూపర్ స్టార్ అంతటోడితో స్ర్కీన్ షేర్ చేసుకోవడం తనకు చాలా చాలా సంతోషంగా వుందని మురిసిపోతోంది. అలాగే టాలీవుడ్‌లోనూ తమన్నా టాప్ లిస్టులోనే వుంది. మెగాస్టార్ చిరంజీవితో ‘భోళా శంకర్’ సినిమాలో హీరోయిన్‌గా నటిస్తోంది.