సౌదీ ఫ్రూట్‌ అండ్‌ వెజిటబుల్‌ మార్కెట్‌లో వలసదారులకు అవకాశం కల్పించడంపై వివాదం తలెత్తింది. జెడ్డాలోని సెంట్రల్‌ ఫ్రూట్‌ అండ్‌ వెజిటబుల్‌ మార్కెట్‌లో వలసదారులు వ్యాపారం చెయ్యకుండా నిరోదించాలంటూ స్థానిక వ్యాపారులు ఆందోళన చేస్తున్నారు. స్టాల్స్‌ వరకూ వలసదారుల్ని బ్యాన్‌ చేసినా, ఉదయాన్నే ఆక్షన్‌లో వలసదారులు పాల్గొంటున్నారనీ, వారిని నిరోధించాల్సిన అవసరం ఉందని స్థానిక వ్యాపారులు డిమాండ్‌ లేవనెత్తారు. ట్రేడర్స్‌ కమిటీ ఛైర్మన్‌ సహీమ్‌ అల్‌ ఘమ్ది, సౌదీజేషన్‌ కమిటీ, సీక్రెట్‌ పోలీసులను ఏర్పాటు చేసి వలస దారుల్ని జరుగుతుందని తెలిపారు. అయినప్పటికీ ఆక్షన్‌లో వారు పాల్గొంటున్నారనీ, ఈ కారణంగా 4 మిలియన్‌ సౌదీ రియాల్స్‌ రెండు రోజుల్లోనే నష్టపోవాల్సి వచ్చిందని అన్నారు. మునిసిపాలిటీ అధికారులకు ఫిర్యాదు కూడా చేశారు. అయితే మునిసిపాలిటీకి చెందిన మార్కెట్స్‌ డిమాపఱ&్టమెంట్‌ డైరెక్టర్‌ నాజర్‌ అల్‌ జరాల్లా మాట్లాడుతూ, వలసదారుల్ని ఫ్రూట్స్‌ అండ్‌ వెజిటబుల్‌ మార్కెట్లలో డైలీ ఆక్షన్ల వరకు నిషేధించలేదని స్పష్టం చేశారు. లీగల్‌ వలసదారులు స్వేచ్ఛగా మార్కెట్‌లో అమ్మకాలు, కొనుగోళ్ళు సాగించవచ్చని తెలిపారు.