మస్కట్: సుల్తానేట్ ఆఫ్ ఒమన్‌లోని దక్షిణ గవర్నరేట్‌లలో సోమవారం నుండి మంగళవారం ఉదయం వరకు భారీ వర్షాలు కురుస్తాయని ఒమన్ వాతావరణ శాఖ వెల్లడించింది. సోమవారం మధ్యాహ్నం నుంచి మంగళవారం ఉదయం వరకు భారీ వర్షాలు కురిసే అవకాశం ఉందని తాజాగా పౌర విమానయాన అథారిటీ (CAA) ఒక హెచ్చరికను జారీ చేసింది. ధోఫర్, అల్ వుస్తా, సౌత్ అల్ షర్కియా గవర్నరేట్‌లు వర్షాల కారణంగా ప్రభావితమయ్యే అవకాశం ఉందన్నారు. హెచ్చరిక వ్యవధి ముగిసే వరకు లోయలు దాటడం, లోయలను సందర్శించడం, సముద్రంలోకి వెళ్లడం మానుకోవాలని పౌరులను కోరింది. అరేబియా సముద్రం, ఆగ్నేయ తీరాలలో అలలు 1.5 నుండి 3 మీటర్ల ఎత్తులో ఉండవచ్చని ఒమన్ వాతావరణ శాఖ తెలిపింది.